Pawb a'i Le: grantiau canolig

Platfform for Change, Swansea
  1. Ariannu
  2. Rhaglenni ariannu
  3. Pawb a'i Le: grantiau canolig

Rydym ni am ariannu prosiectau sy'n gweithio'n agos gyda phobl a chymunedau yng Nghymru. Rydym ni’n chwilio am brosiectau sy'n hygyrch i'w cymuned. Bydd eich prosiect yn helpu'r materion sydd bwysicaf i'ch cymuned.

Drwy gymunedau rydym ni’n golygu pobl sy'n rhannu hunaniaeth, diddordeb neu brofiad. Neu pobl sy'n byw yn yr un lle.

Yn eich cais, rhaid i chi ddangos sut y byddwch chi’n gwneud y canlynol:

  • cynnwys eich cymuned wrth ddatblygu, dylunio a chyflawni’r prosiect
  • adeiladu ar sgiliau, profiadau a chryfderau eich cymuned
  • deall pa sefydliadau, gweithgareddau neu wasanaethau sydd eisoes ar gael yn eich cymuned. A dangos i ni sut y bydd eich gwaith yn llenwi'r bwlch.
  • ystyried effaith eich prosiect ar yr amgylchedd. Er enghraifft, os oes angen i chi drefnu teithio, gallech ddefnyddio bws mini i leihau llygredd. Yn hytrach na phawb yn teithio ar wahân mewn car.

Mae’n rhaid i’ch prosiect hefyd fodloni o leiaf un o’n nodau. I helpu cymunedau i:

  • ddod ynghyd
  • helpu plant a phobl ifanc i ffynnu
  • galluogi pobl i fyw bywydau mwy iach
  • bod yn amgylcheddol gynaliadwy.

Gallwn ariannu prosiectau newydd a phresennol.

Rydym ni’n cynnig grantiau o £20,001 i £100,000. Gallwn gefnogi eich prosiect am hyd at bum mlynedd. Os ydych chi’n chwilio am grantiau dros £100,000 ewch i Pawb a’i Le: grantiau mawr.

Gallwch wneud cais am y grant hwn:

  • i helpu eich sefydliad newid ac addasu i heriau
  • i'ch helpu i gynllunio gwaith tir neu waith adeiladu
  • i brynu tir, adeiladau, cerbydau neu dalu am waith adnewyddu. Gelwir y rhain yn gostau cyfalaf.

Edrychwch ar yr hyn rydyn ni'n gobeithio ei ariannu am fanylion ac enghreifftiau.

Ardal
Cymru
Yn addas ar gyfer
Sefydliadau gwirfoddol, sefydliadau cymunedol neu sefydliadau'r sector cyhoeddus
Maint yr ariannu
£20,001 i £100,000, am hyd at bum mlynedd
Cyfanswm ar gael
£20 miliwn ar gyfer 2024 - 2025
Terfyn amser ymgeisio

Parhaus

Gwneud cais

Sut i wneud cais

I wneud cais mae'n rhaid i chi gysylltu â ni am sgwrs anffurfiol am eich syniad

I drefnu sgwrs cysylltwch â ni naill ai drwy:

Byddwn yn eich rhoi mewn cysylltiad â swyddog ariannu yn eich ardal o fewn pum niwrnod i gysylltu â ni. Nid oes angen i chi baratoi unrhyw beth cyn yr alwad hon. Bydd yn sgwrs anffurfiol fel y gallwn ni ddysgu mwy am eich syniad.

Os ydych chi’n gymwys i wneud cais am y grant, bydd y swyddog ariannu yn anfon ffurflen gais ar-lein atoch chi.

Os yw'n anodd neu'n amhosibl i chi gwblhau ffurflen gais ar-lein

Gallwch gysylltu â ni os oes gennych chi unrhyw anghenion cymorth cyfathrebu.

Gallwn ddarparu ffyrdd eraill i chi ddweud wrthym ni am eich syniad, fel:

  • fersiwn Hawdd ei Ddeall o'r ffurflen gais a'r canllawiau
  • fersiwn PDF o'r ffurflen gais.

Pa wybodaeth rydych chi ei hangen i wneud cais

Gallwch weld rhestr lawn o gwestiynau o'r ffurflen gais.

Yn y ffurflen gais byddwn yn gofyn y canlynol i chi:

  • beth hoffech chi ei wneud
  • sut rydych chi'n cynnwys eich cymuned
  • sut y byddwch chi’n cyflawni eich prosiect
  • sut y byddwch chi’n ystyried effaith eich prosiect ar yr amgylchedd.

I'ch helpu i wneud cais am grant

Rydym ni’n eich annog i ddefnyddio'r teclyn VCSE StrengthChecker. Gall yr adnodd ar-lein rhad ac am ddim hwn eich helpu i gryfhau'ch sefydliad. Mae'n cynhyrchu adroddiad a fydd yn eich helpu i nodi:

  • beth mae eich sefydliad neu eich cymuned yn ei wneud yn dda
  • beth sydd ei angen i ddatblygu a gwella. Gallai hyn gynnwys costau ychwanegol am bethau fel hyfforddiant y gallem ni ei ariannu.

Byddwn yn gofyn cwestiynau i chi am eich sefydliad, sy'n cymryd tua 40 munud i'w gwblhau. Dylech gynnwys cydweithwyr eraill i ddod â gwahanol safbwyntiau at ei gilydd o bob rhan o'ch sefydliad. I lenwi'r ffurflen, byddwch angen y canlynol:

  • cyfrifon archwiliedig diweddaraf
  • cyfrifon rheoli diweddaraf
  • strwythur staff
  • cyllideb y flwyddyn nesaf
  • gwybodaeth codi arian neu gynhyrchu incwm a dadansoddiadau.

Ni fyddwn yn defnyddio gwybodaeth am ble y gallech chi ddatblygu neu wella o'r adroddiad i benderfynu a ydych chi’n cael grant.

Os ydych yn ymgeisio i brynu cerbyd

Bydd angen i chi anfon y canlynol atom:

  • arfarniad opsiynau sy’n dangos i ni eich bod wedi ystyried gwahanol opsiynau teithio
  • manylion am y cerbyd
  • cyllideb ar gyfer y cerbyd sy’n para tan i’r grant ddod i ben
  • tri dyfynbris i brynu cerbyd

I gael rhagor o wybodaeth am yr hyn y bydd angen i chi ei anfon atom, dylech ddarllen ein canllawiau ar brynu cerbyd (PDF 810KB).

Os ydych chi’n gwneud cais am gostau tir, adeiladu neu adnewyddu

Mae angen i chi naill ai:

  • fod yn berchen ar y tir neu'r adeilad
  • feddu ar brydles na ellir ei derfynu am bum mlynedd
  • cael llythyr gan y perchennog yn dweud y bydd y tir neu'r adeilad yn cael ei brydlesu i chi am o leiaf bum mlynedd, neu
  • cael llythyr swyddogol gan y perchennog neu'r landlord sy'n dweud eich bod yn cael gwneud gwaith ar yr adeilad

Dylech hefyd wirio p’un a fyddwch chi angen caniatâd cynllunio ar gyfer y gwaith.

Rhaid i chi ddarllen ein canllawiau a rhestr wirio ar gyfer prosiectau tir, adeiladu ac adnewyddu (PDF 671KB). Yn y ffurflen gais, gofynnwn i chi gwblhau ac uwchlwytho'r rhestr wirio.

Os ydych chi’n gwneud cais am grant i'ch helpu i gynllunio gwaith tir neu waith adeiladu

Byddwn yn gofyn i chi:

  • sut y bydd eich prosiect yn cyrraedd cam 4 o'r Cynllun Gwaith RIBA
  • beth fyddwch chi'n gwario'r arian arno.

Dysgwch ragor am ein grantiau ar gyfer gwaith tir neu adeiladu ar y dudalen yr hyn rydym yn gobeithio ei ariannu.

Gofynnwn am fanylion cyswllt, cyfeiriadau cartref a dyddiadau geni dau berson gwahanol o'ch sefydliad. Rydym ni angen cyfeiriad e-bost gwahanol ar gyfer pob person.

Dylai un person fod yn rhywun y gallwn ni siarad ag ef os oes gennym ni unrhyw gwestiynau am eich prosiect. Dylai'r person arall fod yn uwch aelod o'ch sefydliad, a fydd yn gyfreithiol gyfrifol am yr arian. Mae angen i'r ddau fyw yn y DU.

Ni all y ddau berson hyn fod yn perthyn. Gall perthyn olygu:

  • yn perthyn trwy briodas
  • mewn partneriaeth sifil â'i gilydd
  • mewn perthynas hirdymor â'i gilydd
  • yn perthyn drwy bartner hirdymor
  • yn byw gyda'i gilydd yn yr un cyfeiriad
  • yn perthyn drwy waed.

Rydym ni’n gofyn am enw cyfreithiol eich sefydliad a'i gyfeiriad. A pha fath o sefydliad ydyw

Gwiriwch y manylion hyn cyn gwneud cais. Hefyd gwiriwch unrhyw rifau cofrestru os oes gennych chi’r rhain - fel rhif elusen neu rif cwmni. Bydd yn arafu eich cais os nad yw'r manylion hyn yn gywir.

Rydym ni’n gofyn am fanylion am gyfrifon eich sefydliad

Byddwn yn gofyn i chi:

  • am fanylion am gyllid eich sefydliad
  • uwchlwytho cyfrifon eich sefydliad
  • uwchlwytho eich amcangyfrifon 12 mis, os yw'ch sefydliad yn llai na 15 mis oed.

Rydyn ni’n gofyn i chi hefyd ddarllen a chytuno i'n telerau ac amodau

Gallwch ddarllen y telerau ac amodau.

Os ydych chi’n gwneud cais am gostau tir, adeiladu, cerbyd neu adnewyddu.

Gallwch ddarllen y telerau ac amodau cyfalaf.

Beth sy'n digwydd ar ôl i chi wneud cais

Fel rheol mae'n cymryd o leiaf 15 wythnos o'r amser y byddwch chi’n anfon eich cais atom i gael gwybod p’un a ydych chi’n cael cyllid. Dyma beth sy'n digwydd ar ôl i chi wneud cais:

  1. Byddwn yn ystyried eich cais

    Rydym ni’n edrych ar eich syniad ac yn cynnal gwiriadau ar y wybodaeth rydych chi wedi’i rhoi i ni. Gallwch ddarganfod mwy am y gwiriadau y byddwn ni’n eu cynnal ar eich gwybodaeth. Efallai y byddwn ni’n cysylltu â chi i siarad am eich prosiect, neu i gael rhagor o wybodaeth.

    Os ydych chi’n gwneud cais am gostau tir, adeiladu, cerbyd neu adnewyddu

    Byddwn yn gofyn i chi ddarparu gwybodaeth ychwanegol. Gallai hyn gynnwys lluniadau, arolygon, caniatadau a chostau. Byddwn yn gofyn i chi am y rhain pan fyddwn ni eu hangen. Gallwch ddarllen beth fydd ei angen arnoch yn ein:
  2. Byddwn yn ceisio rhoi penderfyniad i chi o fewn 15 wythnos

    Os nad ydych chi’n llwyddiannus, byddwn yn dweud pam wrthych chi.

    Os ydych chi’n llwyddiannus, byddwn yn anfon e-bost atoch gyda'r newyddion da.

    Yna bydd swyddog ariannu yn cysylltu â chi o fewn pythefnos i dderbyn yr e-bost hwn. Byddant yn egluro'r contract a thelerau’r grant. Byddant hefyd yn esbonio sut y bydd y grant yn cael ei dalu, lle byddwch chi’n cytuno ar ddyddiad cychwyn ar gyfer taliadau.

  3. Gallwch ddechrau eich prosiect

    Gallwch ddechrau eich prosiect cyn gynted ag y byddwch chi wedi cytuno i'r contract a thelerau'r grant.     Mae'n rhaid i chi gychwyn eich prosiect o fewn chwe mis o dderbyn e-bost gyda'ch llythyr cynnig. Dylech wario'r cyllid yn y ffordd y gwnaethoch chi ddweud y byddech chi’n ei wario yn eich cais (oni bai ein bod wedi cytuno i rywbeth gwahanol yn gyntaf). Efallai y byddwn yn gwirio o bryd i'w gilydd - i weld sut mae pethau'n mynd. Darganfyddwch fwy am sut i reoli eich grant.

  4. Gallwch rannu eich stori

    Rhowch wybod i bobl am eich grant a'r gwaith anhygoel rydych chi'n ei wneud yn eich cymuned. Gall rhannu newyddion am eich prosiect gyda'ch cymuned fod yn ffordd wych o sicrhau eu bod nhw’n cymryd rhan ac yn ymgysylltu. Gallwch ddarganfod mwy am sut i hyrwyddo eich prosiect. Bydd eich e-bost dyfarnu hefyd yn cynnwys manylion ar sut i roi cyhoeddusrwydd i'ch grant a rhoi gwybod i bobl sut mae eich prosiect yn cefnogi pobl yn eich cymuned.

Sut rydyn ni'n defnyddio eich data personol

I ddarganfod sut rydym ni’n defnyddio eich data personol, gallwch ddarllen ein Datganiad Diogelu Data.

Pwy all wneud cais

Pwy all wneud cais

Gallwch wneud cais os yw eich sefydliad yn un o’r canlynol:

  • sefydliad gwirfoddol neu gymunedol a gyfansoddwyd
  • grŵp neu glwb a gyfansoddwyd
  • elusen gofrestredig
  • cwmni nid er elw
  • cwmni buddiannau cymunedol (CIC)
  • menter gymdeithasol
  • ysgol (cyn belled â bod eich prosiect yn elwa ac yn cynnwys y cymunedau o amgylch yr ysgol)
  • corff statudol (gan gynnwys awdurdodau lleol, byrddau iechyd, tref, cyngor plwyf a chymuned)

Gallwch wneud cais fel partneriaeth o sefydliadau. Rhaid i bartneriaid a fydd yn cael rhywfaint o'r grant fod yn un o'r mathau o sefydliadau rydyn ni wedi'u rhestru.

Mae'n rhaid i'r rhan fwyaf o bobl fydd yn elwa o'r prosiect fyw yng Nghymru.

Mae angen o leiaf tri aelod o'r bwrdd neu bwyllgor nad ydynt yn perthyn

Gall perthyn olygu:

  • yn perthyn trwy briodas
  • mewn partneriaeth sifil â'i gilydd
  • mewn perthynas hirdymor â'i gilydd
  • yn perthyn drwy bartner hirdymor
  • yn byw gyda'i gilydd yn yr un cyfeiriad
  • yn perthyn drwy waed.

Rhaid i bob cwmni sy'n gwneud cais gael o leiaf dri cyfarwyddwr nad ydynt yn perthyn mewn unrhyw un o'r ffyrdd hyn. Mae hyn hefyd yn berthnasol i gwmnïau sydd hefyd wedi'u cofrestru fel elusennau.

Pwy na all wneud cais

Ni allwn dderbyn ceisiadau gan y canlynol:

  • unigolion
  • hunan fasnachwyr
  • sefydliadau sydd wedi'u lleoli y tu allan i'r DU
  • cwmnïau sy'n gallu talu elw i gyfarwyddwyr, cyfranddalwyr neu aelodau (gan gynnwys Cwmnïau sydd wedi'u Cyfyngu gan Gyfranddaliadau)
  • sefydliadau sy'n gwneud cais i fwy nag un o'n rhaglenni ar gyfer yr un prosiect dros yr un cyfnod. Mae hyn oherwydd na allwch chi gael grant dyblyg ar gyfer rhywbeth yr ydym ni eisoes yn eich ariannu i'w wneud. Mae'n iawn gwneud cais i raglen arall os ydych chi eisoes wedi cael penderfyniad aflwyddiannus.

Gallwn ariannu rhywfaint o weithgarwch gwleidyddol ac ymgyrchu

Ond dim ond os:

  • nad yw'r gweithgaredd yn blaid wleidyddol. Mae hyn yn golygu bod rhaid iddo ymwneud â pholisi, arfer, neu ddeddfwriaeth yn hytrach na gwrthwynebu neu gefnogi plaid wleidyddol
  • bwriad y gweithgaredd yw helpu achos eich sefydliad a bod o fudd i'r cyhoedd neu'r gymdeithas.

Ni fyddwn yn ariannu prosiectau lle mai gweithgareddau gwleidyddol yw'r prif bwrpas. Ond gallwn ariannu prosiectau sy'n ymwneud yn bennaf ag ymgyrchu.

Nid ydym yn derbyn ceisiadau a ysgrifennwyd ar eich cyfer gan fusnesau preifat neu ymgynghorwyr

Byddwch yn ofalus o fusnesau neu ymgynghorwyr sy'n dweud y gallant eich cefnogi gyda'ch ceisiadau grant. Efallai y byddant yn dweud eu bod yn gweithredu ar ran y Gronfa, neu eu bod yn gyflenwr dewisol i'r Gronfa. Gallent hyd yn oed gynnig ysgrifennu cais i chi.

Nid ydym yn derbyn ceisiadau gan y mathau hyn o fusnesau nac ymgynghorwyr.

Ond mae'n iawn cael help gan sefydliadau cymorth - fel eich awdurdod lleol neu'ch Cyngor Gwirfoddol Sirol (CGS)

Efallai y byddant yn gallu rhoi cymorth a chyngor i chi ar ysgrifennu eich cais.

Yr hyn rydyn ni’n gobeithio ei ariannu

Y prosiectau rydym yn eu hariannu

Mae'n rhaid i chi ddangos sut y byddwch chi’n gwneud y canlynol:

  • cynnwys eich cymuned wrth ddatblygu, dylunio a chyflawni’r prosiect
  • adeiladu ar sgiliau, profiadau a chryfderau eich cymuned
  • deall pa sefydliadau, gweithgareddau neu wasanaethau sydd eisoes ar gael yn eich cymuned. A dangos i ni sut y bydd eich gwaith yn llenwi'r bwlch.
  • ystyried effaith eich prosiect ar yr amgylchedd. Er enghraifft, os oes angen i chi drefnu teithio, gallech ddefnyddio bws mini i leihau llygredd. Yn hytrach na phawb yn teithio ar wahân mewn car.

Gallwn ariannu:

  • prosiect newydd neu bresennol
  • gwaith i'ch helpu i gynllunio prosiect sydd â gwaith tir neu adeiladu
  • i brynu tir, adeiladau, cerbydau neu dalu am waith adnewyddu. Gelwir y rhain yn gostau cyfalaf.

Grant i'ch helpu i gynllunio gwaith tir neu adeiladu

Gallwn gynnig hyd at £50,000 i sefydliadau sydd angen help i fodloni ein gofynion ar gyfer prosiect cyfalaf.

Rydym ni’n disgwyl i brosiectau ddilyn Cynllun Gwaith RIBA (Sefydliad Brenhinol Penseiri Prydain). Mae'r cynllun hwn yn manylu ar yr holl gamau sydd eu hangen ar gyfer prosiectau adeiladu neu ddylunio.

Rydym ni’n ariannu prosiectau sydd wedi cwblhau cam pedwar neu uwch yn y cynllun. I ddarganfod mwy am y grant hwn, gallwch gysylltu â ni naill ai drwy:

Cydraddoldeb, tegwch, amrywiaeth a chynhwysiant

Rydym ni’n disgwyl i'ch sefydliad a'r gweithgareddau rydym ni’n eu hariannu fod yn agored ac yn hygyrch, er mwyn hyrwyddo cydraddoldeb a herio gwahaniaethu. Gallwch gynnwys costau i helpu'ch prosiect i fod yn fwy hygyrch i'ch cymuned yn eich cyllideb arfaethedig.

Yn y ffurflen gais, byddwn yn gofyn i chi sut y byddwch chi’n cyrraedd grwpiau heb gynrychiolaeth ddigonol yn eich cymuned. Gan grwpiau heb gynrychiolaeth ddigonol, rydym ni’n golygu grwpiau sy'n canolbwyntio ar gynrychioli anghenion:

  • pobl hŷn
  • pobl anabl
  • merched
  • pobl o leiafrifoedd ethnig
  • cymunedau sy'n seiliedig ar ffydd
  • pobl LHDTC+
  • cymunedau gwledig.

Byddem yn hoffi ddeall eich ymagwedd tuag at gydraddoldeb, tegwch, amrywiaeth a chynhwysiant. Efallai y byddwn ni’n gofyn am weld polisi cydraddoldeb eich sefydliad fel rhan o'n hasesiad.

Gallwch ddarllen mwy am ein hegwyddorion cydraddoldeb.

Ystyried eich effaith amgylcheddol

Rydym ni am ariannu sefydliadau sy'n ystyried eu heffaith ar yr amgylchedd. Nid oes rhaid i chi fod yn sefydliad sy'n canolbwyntio ar yr hinsawdd neu'r amgylchedd i wneud cais.

Yn y ffurflen gais, rydym ni am i chi ddweud wrthym ni am y camau rydych chi wedi'u cymryd i leihau effeithiau negyddol ar yr amgylchedd. Neu hyd yn oed sut rydych chi wedi cael effaith gadarnhaol.

Gallai hyn fod drwy bethau fel lleihau eich teithio, gwastraff neu ddefnydd ynni.

Hefyd, dylech chi wneud y canlynol:

Os byddwch yn gweithio gyda phlant, pobl ifanc neu oedolion bregus

Mae angen i chi gael polisi ar waith sy'n esbonio sut y byddant yn ddiogel. Os byddwch chi’n cael grant bydd angen i chi ddilyn ein disgwyliadau ar ddiogelu plant ac oedolion sydd mewn perygl.

Mae gwefan NCVO yn cynnwys gwasanaethau cyngor a gwybodaeth diogelu plant.

Rhaid i'ch prosiect gael ei gyflwyno'n ddwyieithog yn Gymraeg a Saesneg

Rydym ni am i bobl yng Nghymru gael mynediad at y prosiectau rydym ni’n eu hariannu yn yr iaith maen nhw ei hangen. Dylech sicrhau y gall pobl ymgysylltu â'ch prosiect yn Gymraeg neu Saesneg.

Gallwch gynnwys costau ar gyfer gwasanaethau dwyieithog yn eich cyllideb arfaethedig. Er enghraifft, cost cyfieithu deunydd hyrwyddo.

Er mwyn eich helpu i gyflawni prosiect yn Gymraeg a Saesneg, dylech wneud y canlynol:

Am fwy o wybodaeth cysylltwch â Thîm yr Iaith Gymraeg drwy e-bostio cymorth.cymraeg@cronfagymunedolylg.org.uk. 

Beth allwch chi wario'r arian arno

Beth allwch chi wario'r arian arno

Rydym ni’n cynnig grantiau o £20,001 i £100,000. Gallwn gefnogi eich prosiect am hyd at bum mlynedd.

Gallwn ariannu:

  • gorbenion eich sefydliad

    Mae hyn yn golygu costau nad ydynt yn uniongyrchol gysylltiedig â'r gwaith rydym ni’n ei ariannu. Fel biliau pŵer, neu ran o gyflog i weithiwr gweinyddol. Byddwn yn ariannu rhan o'r costau hyn fel nad yw rhedeg y prosiect rydym ni’n ei ariannu yn costio arian ychwanegol i chi. Weithiau gelwir hyn yn adennill costau llawn. Darganfyddwch sut i gyfrifo gorbenion yn ein canllaw i adennill costau llawn.

  • offer
  • digwyddiadau untro
  • costau staff
  • costau hyfforddi
  • trafnidiaeth
  • cyfleustodau
  • treuliau gwirfoddolwyr
  • ffioedd proffesiynol i’ch helpu i gynllunio gwaith tir neu adeiladu

    Rydym ni’n cynnig hyd at £50,000 i'ch helpu i fodloni ein gofynion ar gyfer prosiect cyfalaf. Gall hyn gynnwys cael caniatâd cynllunio, lluniadau neu arolygon ar gyfer tir neu adeiladau. Dysgwch ragor am ein grantiau ar gyfer gwaith tir neu adeiladu ar y dudalen yr hyn rydym yn gobeithio ei ariannu.

  • costau cyfalaf

Mae hyn yn golygu prynu tir, adeiladu, cerbydau neu dalu am adnewyddiadau. I gael rhagor o wybodaeth, darllenwch ein:

Ni allwn ariannu’r canlynol:

  • costau ôl-weithredol (costau ar gyfer pethau sydd wedi digwydd yn barod, neu yr ydych wedi talu amdanynt yn barod)
  • alcohol
  • costau wrth gefn, benthyciadau, gwaddolion neu log
  • talu rhywun arall i ysgrifennu eich cais ar eich rhan
  • gweithgareddau gwneud elw neu godi arian
  • TAW y gallwch ei hadfer
  • gweithgareddau crefyddol (gallwn ariannu sefydliadau crefyddol os yw eu prosiect o fudd i'r gymuned ehangach ac nad yw'n ymwneud â chynnwys crefyddol)
  • gweithgareddau statudol
  • gweithgareddau sy'n helpu plant neu bobl ifanc gyda'u gwaith ysgol yn ystod amser ysgol
  • teithio dramor
  • prosiectau sy'n digwydd y tu allan i'r Deyrnas Unedig
  • gweithgareddau sy'n gwneud elw er budd preifat
  • arian a roddir yn uniongyrchol i unigolion.