Mae'r rhaglen hon ar gau. Ni fydd unrhyw geisiadau sydd dal yn cael eu cwblhau yn gallu cael eu cyflwyno mwyach.
Dim ond swm penodol o arian sydd gennym i'w ddyfarnu
Rydym yn disgwyl llawer o geisiadau, a bydd llawer ohonynt ar gyfer prosiectau gwerth chweil. Mae hyn yn golygu y bydd yn rhaid i ni wneud rhai penderfyniadau anodd. Yn aml, mae llawer o brosiectau na allwn eu hariannu, hyd yn oed rhai da.
Dim ond 300 o ddyfarniadau y gallwn eu gwneud ar gyfer y rhaglen bartneriaeth beilot hon. Rydym wedi gwneud y penderfyniad anodd i dderbyn hyd at 1,500 o geisiadau yn unig (neu methu â derbyn ceisiadau o 14 Gorffennaf 2021 os daw hyn yn gynt). Bydd yr holl geisiadau a dderbynnir yn cael eu hasesu ar yr un pryd.
Rydym yn sylweddoli nad yw hwn yn ateb perffaith. Rydym wedi gweithio gyda rhwydweithiau perthnasol i ddweud wrth rai sefydliadau a grwpiau am y rhaglen hon ymlaen llaw. Mae hyn er mwyn iddynt allu gwneud rhywfaint o waith i'w cael i'r un man cychwyn â'r rhai sydd â mwy o brofiad o wneud cais am arian gennym ni.
Byddwn yn blaenoriaethu ceisiadau gan grwpiau:
- nad ydynt wedi derbyn arian gennym o'r blaen
- nad oes ganddynt ddyfarniad cyfredol gyda ni
- sy’n sefydliadau neu grwpiau llai sydd â throsiant blynyddol o lai na £100,000.
Gall sefydliadau eraill wneud cais ond ystyriwch y ffactorau hyn yn gyntaf.
Gwnewch yn siŵr eich bod yn gwirio pwy all ac na all wneud cais
cyn llenwi'r ffurflen gais.
Faint o amser fydd yn ei gymryd i gael penderfyniad?
Byddwn yn ceisio rhoi penderfyniad i chi ymhen tua thri mis.
Os yw'n anodd neu'n amhosibl i chi lenwi ffurflen gais
Gallwch gysylltu â ni os oes gennych unrhyw anghenion cymorth cyfathrebu. Rydym yn hapus i siarad am ffyrdd eraill i chi ddweud wrthym am eich syniad.
Pa wybodaeth rydych chi ei hangen i wneud cais
Rydym yn gofyn i ddau berson gwahanol o'ch sefydliad fod yn gysylltiadau i ni ar gyfer y prosiect:
- dylai un person fod yn rhywun y gallwn siarad ag ef os oes gennym unrhyw gwestiynau am eich prosiect
- dylai'r person arall fod yn uwch aelod o'ch sefydliad, a fydd yn gyfreithiol gyfrifol am y arian.
Mae angen i'r ddau fyw yn y DU.
Mae angen eu manylion canlynol:
- enwau
- manylion cyswllt
- cyfeiriad cartref
- dyddiadau geni.
Mae angen i'r ddau gyswllt gael cyfeiriadau e-bost gwahanol.
Bydd angen i chi roi gwybod i'r uwch gyswllt eich bod yn cynnwys eu gwybodaeth fel rhan o'r cais.
Ni all y ddau berson hyn fod:
- yn perthyn drwy waed
- yn briod â’i gilydd
- mewn partneriaeth sifil â'i gilydd
- mewn perthynas hirdymor â'i gilydd
- yn byw gyda'i gilydd yn yr un cyfeiriad.
Rydym yn gofyn am enw cyfreithiol eich sefydliad - a'i gyfeiriad. A pha fath o sefydliad ydyw
Gwnewch yn siŵr bod y rhain yn gyfoes ac yn cyd-fynd ag unrhyw ddogfennau gwybodaeth neu hunaniaeth y gofynnwn amdanynt (pan fyddwch yn cyrraedd rhan y cais). Efallai na fydd 'enw cyfreithiol' eich sefydliad yr un fath â'ch enw o ddydd i ddydd. Eich enw cyfreithiol yw'r un a ddangosir ar eich dogfen lywodraethol (fel eich cyfansoddiad, gweithred ymddiriedolaeth, memorandwm neu erthyglau cymdeithasu).
Gofynnwn am wybodaeth am gyfrifon eich sefydliad
Rydym am wybod y dyddiad y mae eich cyfrifon yn dod i ben bob blwyddyn a faint o incwm sydd gennych chi.
Os nad oes gennych gyfrifon blynyddol oherwydd eich bod yn sefydliad newydd (llai na 15 mis oed), mae hynny'n iawn. Gallwn barhau i edrych ar eich cais.
Rydym yn gofyn am ddatganiad banc o'r tri mis diwethaf
Dylai ddangos:
- enw cyfreithiol eich sefydliad
- y cyfeiriad lle anfonir y datganiadau
- enw eich banc
- cod y cyfrif a'r rhif didoli
- y dyddiad y cyhoeddwyd y datganiad.
Dyma lun o'r math o ddatganiad banc rydyn ni'n chwilio amdano.
Dim ond i fanc neu gymdeithas adeiladu a reoleiddir yn y DU a ddiogelir gan Gynllun Iawndal y Gwasanaethau Ariannol (FSCS) y gallwn drosglwyddo arian.
Rhaid i'ch cyfrif hefyd ei gwneud yn ofynnol i o leiaf ddau berson nad ydynt yn gysylltiedig gymeradwyo'r holl drafodion a chodi arian.
Mae'n ddrwg gennym ond bydd yn rhaid i ni wrthod eich cais os na fyddwch yn rhoi'r canlynol i ni:
- y wybodaeth lawn a chywir rydym yn chwilio amdani, neu
- digon o'r dystiolaeth rydym yn gofyn i chi amdani.
Rydyn ni’n gofyn i chi am wybodaeth am ba fath o brosiect yr hoffech ei wneud
A sut y bydd eich prosiect yn bodloni'r meini prawf sy’n cael eu rhestru yn ‘Y prosiectau rydym yn eu hariannu’.
Beth sy'n digwydd ar ôl i chi wneud cais
- Rydych yn anfon eich cais atom - byddwn yn cysylltu â chi gyda phenderfyniad ymhen tua thri mis. Yn ystod y cyfnod hwn, rydym yn edrych ar eich syniad ac yn gwneud ein gwiriadau diogelwch. Gallwch ddysgu mwy am y gwiriadau a wnawn. Os oes angen mwy o wybodaeth arnom am eich syniad i helpu gyda'n penderfyniad, efallai y byddwn yn rhoi galwad i chi neu'n anfon e-bost atoch.
- Os bydd eich cais yn llwyddiannus - byddwn yn anfon e-bost atoch gyda’r newyddion da. Gallwch gychwyn eich prosiect ar unwaith ar ôl i chi dderbyn yr e-bost yma os hoffech. Byddwn yn rhoi’r arian yn eich cyfrif banc o fewn 14 diwrnod (neu cyn hyny, os yn bosibl).
- Os bydd eich cais yn aflwyddiannus - bydd IKEA Limited mewn cysylltiad i ofyn ychydig o gwestiynau am eich cais. Maent am gysylltu â phawb a wnaeth gais, p'un a roddwyd y grant iddynt ai peidio. Eich penderfyniad chi fydd hi i gymryd rhan ai peidio.
- Gallwch ddechrau gwario'r arian ar eich prosiect - dylech wario'r arian yn y ffordd y gwnaethoch chi ddweud y byddech chi’n ei wario yn eich cais (oni bai ein bod wedi cytuno ar rywbeth gwahanol yn gyntaf).
- Rhannwch eich stori - rhowch wybod i bobl am eich grant a'r gwaith anhygoel rydych chi'n ei wneud yn eich cymuned. Gall rhannu newyddion am eich prosiect gyda'ch cymuned fod yn ffordd wych o sicrhau eu bod nhw’n cymryd rhan ac yn ymgysylltu. Bydd eich e-bost dyfarnu hefyd yn cynnwys manylion ar sut i roi cyhoeddusrwydd i'ch grant a rhoi gwybod i bobl sut mae eich prosiect yn cefnogi pobl yn eich cymuned.
Rydyn ni’n gofyn i chi hefyd ddarllen a chytuno i'n telerau ac amodau
Gallwch ddarllen y telerau ac amodau.
Os nad ydych chi’n siŵr am y math o bethau rydym yn gofyn amdanynt pan fyddwch yn gwneud cais
Gallwch hefyd ddarllen ein Datganiad Diogelu Data i ddarganfod sut rydym yn defnyddio'r data personol y byddwch chi’n ei roi i ni.