2022/23 Community Research Index

  1. Mewnwelediad
  2. 2022/23 Community Research Index

Arolwg o dros 8,000 o oedolion ledled y DU yw ein Mynegai Ymchwil Cymunedol blynyddol. Mae’r arolwg yn gofyn cwestiynau am feysydd fel ysbryd ac ymdeimlad o berthyn cymunedol, pa mor dda y mae pobl yn teimlo yw eu cymuned, yr hyn sydd ei angen ar gymunedau i ffynnu, effaith costau byw cynyddol, a sut mae cymunedau’n gallu adfywio yn y dyfodol.

Mae’r ymatebion yn rhoi manylion allweddol i ni am y ffordd y mae pobl yn meddwl ac yn teimlo am eu cymunedau, beth yw eu pryderon a beth yw eu huchelgeisiau lleol ar gyfer y dyfodol. Gall y manylion hyn ein helpu ni a llunwyr polisi i sicrhau bod ein gwaith yn parhau i fod yn gyfredol ac yn gallu bodloni anghenion pobl, nawr ac yn y dyfodol.

Mae canlyniadau eleni’n dangos positifrwydd am y cyfleoedd sydd ar gael i gymunedau, a gonestrwydd am yr heriau a wynebir gennym ni i gyd. Maen nhw hefyd yn dangos gwahaniaethau pwysig rhwng y ffordd y mae pobl yn teimlo am wahanol ardaloedd yn dibynnu ar eu hoedran, rhywedd, cefndir ethnig, grŵp economaidd-gymdeithasol, iechyd meddwl ac anabledd corfforol. 

Yn yr adroddiad hwn, rydym ni’n rhannu canlyniadau ein Mynegai Ymchwil Cymunedol 2022/23, gan amlygu canfyddiadau allweddol, manylion am flaenoriaethau pobl a manylion gwahanol ranbarthau a hunaniaethau.

Cynhaliwyd yr ymchwil ar gyfer yr adroddiad hwn ar ran Cronfa Gymunedol y Loteri Genedlaethol gan Savanta ComRes rhwng 2 a 28 Tachwedd 2022, gan siarad ag 8,968 o oedolion yn y DU wedi’u pwysoli i gynrychioli oedolion y DU fesul rhywedd, oedran, rhanbarth, gradd economaidd-gymdeithasol ac ethnigrwydd.

Dyddiad cyhoeddi
Ebrill 2023
Manylion cyswllt
pressoffice@tnlcommunityfund.org.uk

Uchafbwyntiau

  • Mae pobl ifanc (18-34 oed) yn fwy tebygol o deimlo’n rhan o’u cymuned na phobl dros 35 oed, yn fwy tebygol o gredu fod hyn yn bwysig, a mwyaf tebygol o ddweud eu bod yn bwriadu gwirfoddoli eleni.
  • Banciau bwyd (42%), sy’n cefnogi pobl hŷn (35%) ac yn cefnogi pobl ifanc (25%) oedd ymysg y meysydd mwyaf poblogaidd a ddewiswyd gan bobl sy’n bwriadu gwirfoddoli, sy’n dangos bod cymunedau’n adnabod lle mae’r angen am gefnogaeth ar ei fwyaf.
  • Roedd mwy o bobl (42%) yn teimlo bod pandemig COVID-19 wedi cryfhau ysbryd cymunedol na’i wanhau (18%), sy’n dangos sut rydym ni’n dod ynghyd yn ystod argyfwng.
  • Roedd pobl yn tueddu meddwl bod eu cymunedau’n gwneud yn dda o gymharu ag eraill o ran cyfleusterau addysg (72%), mannau cymunedol (71%), ansawdd bywyd (70%) a lles (62%), ymysg meysydd eraill. Mae hyn yn dangos bod cymunedau ledled y DU yn gweld pethau cadarnhaol a chryfderau yn eu hardaloedd lleol, er gwaethaf yr heriau y gallent godi yn ystod 2023.
  • Cefnogaeth gyda chostau byw cynyddol yw un o brif flaenoriaethau pobl eleni. Maen nhw’n disgwyl i’r galw am fanciau bwyd, elusennau cyngor ariannol a gwasanaethau tai fod yn uchel. Dywedodd y rhan fwyaf ohonynt eu bod wedi lleihau eu gwariant yn barod, mae mwy na thraean (41%) wedi ymdopi heb wres, mae tri o bob deg (28%) wedi hepgor prydau bwyd, ac mae chwarter (25%) wedi benthyg arian gan ffrindiau neu aelodau o’r teulu.

2023 Mynegai Ymchwil Cymunedol (PDF 5 MB)

↑ Yn ôl i'r frig