£8m gan y Loteri Genedlaethol i ddathlu cymunedau DU trwy'r Cinio Mawr a digwyddiadau gwib

Mae'r Cinio Mawr yn cynnal chwe digwyddiad gwib ar draws y Deyrnas Unedig i godi ymwybyddiaeth o sut y gallai dathlu eich cymuned gyda chymdogion yn ystod y digwyddiad ar 1 a 2 Mehefin drawsnewid bywydau.

Canolbwynt y digwyddiadau gwib yw model rhyngweithiol o drefi a dinasoedd ble mae Ciniawau Mawr go iawn wedi'u cynnal. Gall ymwelwyr wrando ar glipiau sain o bobl sydd wedi cymryd rhan i ddeall mwy am y digwyddiad.

Cynhelir digwyddiadau gwib yn Llundain, Lerpwl, Nottingham, Glasgow, Belfast a Chaerdydd ym mis Ebrill a mis Mai eleni.

Ewch i www.edenprojectcommunities.com/cy/y-cinio-mawr-ar-daith am leoliadau a dyddiadau.

Mae Cronfa Gymunedol y Loteri Genedlaethol yn cyhoeddi menter 4 blynedd ar y cyd gyda Phrosiect Eden i ddod â phobl ynghyd a helpu adeiladu cymunedau cryfach ar draws y Deyrnas Unedig
Mae ariannu'n dilyn ymchwil^[1] gan ddangos tra bod 65% o bobl yn adrodd am ysbryd cymunedol cryfion yn eu hardal leol, ychydig iawn sy'n dweud yr un peth ar draws y Deyrnas Unedig yn gyffredinol, ac mae hyn yn oed yn llai'n cymryd rhan yn weithredol.
Bydd y Daith Fawr a'r Cinio Mawr yn dod â phobl ynghyd mewn trefi, pentrefi a dinasoedd ar draws y Deyrnas Unedig i adeiladu cysylltiadau rhwng cymunedau
Bydd arian gan y Loteri Genedlaethol yn helpu lleihau cost cymunedau datgysylltiedig, yr amcangyfrifir ei fod yn £32 biliwn bob blwyddyn^[2]
Cyhoeddir chwe digwyddiad gwib rhyngweithiol ar draws y Deyrnas Unedig i godi ymwybyddiaeth o'r Cinio Mawr

Ar 23 Chwefror 2018 ymrwymodd Cronfa Gymunedol y Loteri Genedlaethol (sef yr hen Gronfa Loteri Fawr) bron £8 miliwn gan y Loteri Genedlaethol i fenter pedair blynedd ar y cyd gyda Phrosiect Eden. Bydd y grant newydd, sydd wedi'i ddylunio i ddod â phobl ynghyd a thaflu goleuni ar gryfderau cymunedau ar draws y Deyrnas Unedig, yn cefnogi dau ddigwyddiad pwysig - Y Daith Fawr a'r Cinio Mawr - a fydd yn cysylltu dros 10 miliwn o bobl â'u cymunedau lleol.

Nod y Cinio Mawr, sef ymgynulliad cymdogion mwyaf y Deyrnas Unedig, a'r Daith Fawr, yw gwella hapusrwydd a lles pobl ar draws y Deyrnas Unedig trwy helpu adeiladu cymunedau cryfach sydd â chysylltiadau gwell.

Mae'r buddsoddiad yn dilyn ymchwil^[1] gan Gronfa Gymunedol y Loteri Genedlaethol, ariannwr gweithgareddau cymunedol mwyaf y Deyrnas Unedig, sy'n codi'r to ar sut mae pobl yn teimlo am gymunedau yn y Deyrnas Unedig heddiw. Yn ôl y canfyddiadau, er bod ysbryd cymunedol yn gryf, wedi'i werthfawrogi'n fawr ac i'w weld ym mhob rhanbarth o'r Deyrnas Unedig, mae angen gwneud mwy i herio canfyddiadau negyddol ac annog mwy o bobl i gymryd rhan yn weithredol yn eu cymunedau.

Yn yr un modd, bydd y mentrau'n helpu mwy o bobl i gymryd rhan yn eu cymunedau. Dywed tri chwarter (74%) fod bod yn rhan o'u cymuned yn bwysig iddynt, ond ar yr un pryd mae llai na thraean (31%) yn cymryd rhan neu gyfranogi'n weithredol. Trwy gysylltu pobl â'u cymunedau, bydd Y Daith Fawr a'r Cinio Mawr yn helpu nhw i ddatgloi manteision pwysig. Mae ymatebwyr yr arolwg yn adnabod y rhain fel cyfeillgarwch (65%), ymdeimlad o berthyn (55%) a chyd-gefnogaeth (49%).

Tra bod bron saith o bob deg (65%) o bobl yn adrodd am ymdeimlad cryf o gymuned yn eu hardal leol, dim ond pedwar o bob deg (41%) sy'n meddwl yr un peth am y Deyrnas Unedig yn gyffredinol. Mae traean (33%) yn meddwl bod ysbryd cymunedol y Deyrnas Unedig yn marw allan, tra bod 29% yn dweud y daw i'r amlwg dim ond mewn argyfwng - canfyddiadau y mae'r Daith Fawr a'r Cinio Mawr yn helpu i'w goresgyn.

Yn ôl amcangyfrifon Eden Project Communities, mae cymunedau datgysylltiedig yn costio £32 biliwn y flwyddyn i'r Deyrnas Unedig^[2], trwy ystod o ffactorau fel yr effaith ar iechyd a lles, a lefelau cynhyrchedd is.

Bydd Y Daith Fawr a'r Cinio Mawr yn ceisio taclo rhai o'r problemau hyn. Byddant yn taflu goleuni ar gryfderau cymunedau ar draws y Deyrnas Unedig, gan ddarparu cyfleoedd i bobl ddod i nabod ei gilydd ac, yn bwysicach, annog nhw i gymryd rhan.

Am fwy o wybodaeth ac i gynllunio eich Cinio Mawr ewch i

Meddai Dawn Austwick, Prif Weithredwr Cronfa Gymunedol y Loteri Genedlaethol: “Diolch i chwaraewyr y Loteri Genedlaethol, bydd Y Daith Fawr yn arddangos gwaith anhygoel cymunedau ar hyd a lled y wlad, a bydd Y Cinio Mawr yn ymgynulliad cymdogion mwyaf y Deyrnas Unedig. Bydd y dathliadau hyn yn helpu cynyddu ymwybyddiaeth o bwysigrwydd cymunedau cryfion ac yn ysbrydoli llawer mwy ohonom i gymryd rhan yn weithredol.

“Dyma pam rydym yn gyffrous i fod yn gweithio gyda Phrosiect Eden i greu cyfleoedd newydd i bobl adeiladu cysylltiadau, gwneud ffrindiau a gosod sylfeini sy'n helpu cymunedau i ffynnu.”

Meddai Peter Stewart MVO, Cyfarwyddwr Gweithredol Prosiect Eden: “Rydym yn gwybod y gallai cymunedau datgysylltiedig fod yn costio £32 biliwn i economi'r Deyrnas Unedig bob blwyddyn trwy ystod o ffactorau fel yr effaith ar iechyd a lles, cynhyrchedd is a mwy o droseddu. Er ei fod yn amlwg bod pobl yn gwerthfawrogi bod yn rhan o gymuned gref, mae'n bryderus nad yw llawer yn cymryd rhan yn weithredol o hyd, er gwaetha'r buddion economaidd a chymdeithasol y byddai'n eu creu.

“Rydym eisiau i fwy o bobl deimlo bod ganddynt gyswllt â'u cymuned, ond hefyd i fwy o gymunedau greu cysylltiadau ac adeiladu cyd-ddealltwriaeth a chyd-gefnogaeth. Dyma beth yw nod Y Daith Fawr a'r Cinio Mawr ac mae'n wych gweld arian y Loteri Genedlaethol yn chwarae rôl mor allweddol wrth ddod â phobl ynghyd mewn ffordd mor gadarnhaol a phwrpasol."

Dyddiad cyhoeddi: 10 Ebrill, 2019
Rhanbarth: Deyrnas Unedig

Nodiadau i Olygyddion

Ymchwil a gyflawnwyd gan 3Gem ar ran Cronfa Gymunedol y Loteri Genedlaethol rhwng 13 a 20 Hydref 2017 gyda sampl o 2,000 o oedolion a atebodd sy'n cynrychioli'r Deyrnas Unedig yn genedlaethol.
https://www.edenprojectcommunities.com/the-cost-of-disconnected-communities

Mae Cronfa Gymunedol y Loteri Genedlaethol yn defnyddio arian a godir gan chwaraewyr y Loteri Genedlaethol i helpu cymunedau i gyflawni eu huchelgais. Bob wythnos, mae'n dosbarthu dros £13 miliwn i ariannu syniadau disglair mewn cymunedau ar draws y Deyrnas Unedig O brosiectau bychain lleol i fentrau Deyrnas Unedig gyfan, mae ein grantiau'n dod â phobl ynghyd i wneud gwahaniaeth i'w hiechyd, lles a'u hamgylchedd. Er Mehefin 2004 rydym wedi dyfarnu £8.5 biliwn i brosiectau sy'n newid bywydau miliynau o bobl.

Gwefan │Twitter │Facebook │Instagram

Ynghylch Y Cinio Mawr

Y Cinio Mawr yw digwyddiad blynyddol y Deyrnas Unedig i gymdogion ddod ynghyd, syniad gan Brosiect Eden a wnaed y bosib gan Gronfa Gymunedol y Loteri Genedlaethol. Eleni, cynhelir y digwyddiad blynyddol dros 1 a 2 Mehefin. Ei Mawrhydi Brenhinol Duges Cernyw yw Noddwr y Cinio Mawr. Dechreuodd Prosiect Eden Y Cinio Mawr yn 2009 gyda'r gred ein bod mewn sefyllfa well i fynd i'r afael â'r heriau a wynebwn pan fyddwn yn eu hwynebu gyda'n gilydd. Dros y naw mlynedd ddiwethaf, mae Cinio Mawr o bob math a maint wedi digwydd ym mhob math o gymuned - mewn strydoedd, gerddi cefn, parciau a lleoliadau cymunedol. Mae miloedd o ddigwyddiadau wedi'u cynnal bob blwyddyn, gyda'r nifer anhygoel o 9.3 miliwn o bobl yn cymryd rhan yn 2017 dros 96,000 o ddigwyddiadau. I gael gwybod mwy ewch i www.edenprojectcommunities.com/cy neu @edencommunities ar Facebook, Twitter ac Instagram.

Ynghylch Prosiect Eden

Mae Prosiect Eden yn elusen addysgol a menter gymdeithasol yng Nghernyw sydd â'r nod o gysylltu pobl â'i gilydd a'r byd naturiol i ymchwilio i greu dyfodol gwell.

Ynghylch Peter Stewart MVO

Mae Peter yn Gyfarwyddwr Gweithredol ac yn gyfrifol am genhadaeth elusennol Eden. Mae'r rôl hon yn cynnwys cyfrifoldeb dros ymgyrch allgymorth addysgol mwyaf Eden, Y Cinio Mawr. Penodwyd Peter i brif Fwrdd Eden ym mis Mawrth 2012. Yn yr un flwyddyn dyfarnwyd MVO iddo gan EM Y Frenhines am ei waith ar y Jiwbilî Diemwnt, gan fod Y Cinio Mawr wedi chwarae rhan sylweddol yn y dathliadau.