Trosolwg o'r strategaeth

Ein pwrpas

Rydym ni’n cefnogi gweithgareddau sy’n creu cymunedau gwydn sy’n fwy cynhwysol ac amgylcheddol gynaliadwy – gweithgareddau a fydd yn cryfhau cymdeithas ac yn gwella bywydau ledled y DU.

Cymuned yw’r man cychwyn.

Ein nodau cymunedol a’r hyn y byddwn yn ei gyflawni erbyn 2030

Byddwn ni’n cefnogi cymunedau i ddod ynghyd drwy:

• greu mannau hygyrch, croesawgar, ffisegol a rhithiol, i bobl gyfarfod â’i gilydd
• cychwyn gweithgareddau deniadol a chynhwysol sy'n cefnogi cysylltiadau o fewn grwpiau o bobl a rhyngddynt
• galluogi pobl o bob cefndir i lywio dyfodol eu cymunedau
• meithrin ymdeimlad cynyddol o berthyn.

Byddwn ni’n cefnogi cymunedau amgylcheddol gynaliadwy sy’n:

• lleihau allyriadau carbon ac effaith amgylcheddol negyddol
• creu effeithiau amgylcheddol cadarnhaol
• sefydlu mynediad cyfartal i'r amgylchedd naturiol
• gwella ansawdd mannau naturiol.

Byddwn ni’n galluogi plant a phobl ifanc i ffynnu drwy:

• greu cyfleoedd i blant a phobl ifanc o bob cefndir fwynhau profiadau cymunedol
• helpu plant a phobl ifanc i lywio’r penderfyniadau sy’n effeithio arnyn nhw a’u cymunedau
• darparu mynediad i blant a phobl ifanc i fannau diogel i chwarae, cymryd rhan, cymdeithasu a chael cefnogaeth.

Byddwn ni’n galluogi pobl i fyw bywydau mwy iach drwy:

• helpu lleihau anghydraddoldebau iechyd
• cynyddu cyfleoedd ar gyfer cyfranogiad cymunedol i lywio gwell gwasanaethau iechyd
• defnyddio dull ataliol tuag at iechyd.

Ein dull

• Dull seiliedig ar degwch i fynd i’r afael ag anghydraddoldeb
• Cefnogi cymunedau i adeiladu ar eu cryfderau
• Cefnogi’r hyn sydd bwysicaf i wahanol gymunedau
• Model cynnig grantiau hyblyg gyda grantiau untro bach yn dechrau o £300 hyd at £20,000, i grantiau mwy hirdymor a buddsoddiadau partneriaeth strategol sylweddol.

Ein gwerthoedd

Rydym ni’n:

• gynhwysol
• uchelgeisiol
• canolbwyntio ar effaith
• hyblyg
• tosturiol.