Cronfa Gymunedol y Loteri Genedlaethol yn croesawu Araith Ei Fawrhydi’r Brenin a ffocws y Llywodraeth ar ddatganoli mwy o bŵer i gymunedau lleol ac adeiladu dyfodol mwy adfywiol yn amgylcheddol

Gan ymateb i Araith Ei Fawrhydi’r Brenin, dywedodd David Knott, Prif Weithredwr Cronfa Gymunedol y Loteri Genedlaethol: “Fel yr ariannwr cymunedol mwyaf yn y DU, rydym yn croesawu cynlluniau’r Llywodraeth i ddatganoli mwy o bŵer i gymunedau lleol. Drwy fod yn bresennol mewn cymunedau ledled y wlad, rydym yn cydnabod fod gan bob cymuned wahanol anghenion. Rydym yn clywed bob dydd am y gwahaniaeth y mae’n ei wneud i rymuso pobl leol i weithredu ar yr hyn sydd bwysicaf iddynt, gan gryfhau cymdeithas a newid bywydau

“Rydym yn falch o weld y Llywodraeth yn ymrwymo, fel ni, tuag at adeiladu dyfodol adfywiol yn amgylcheddol. Yn manteisio ar bŵer glanach ac ynni gwyrdd. Yn helpu ein gwlad a’n cymunedau i fod yn gynaliadwy.

“Mae ein strategaeth, ‘Cymuned yw’r man cychwyn’, yn ein cyfeirio i gefnogi’r hyn sydd bwysicaf i gymunedau ledled y DU, gan wrando arnynt ac ymateb iddynt a chanolbwyntio ar alluogi newid mwy mentrus. Gwyddom pa mor bwerus yw partneriaeth a gweithio ag eraill. Mae cyfle enfawr yn ffocws y Llywodraeth newydd ar adnewyddu. Gyda’n harbenigedd a bron i 30 mlynedd o brofiad, rydym yn arwain y ffordd o ran cyflawni datrysiadau a chyfleoedd cymunedol ac uchelgeisiol a gweithio i greu bywydau iachach, hapusach a chymdeithas lewyrchus i bawb.”

Mae ein Cynllun Corfforaethol newydd yn nodi ein hymrwymiad i fuddsoddi mwy na 90% o’n grantiau i gefnogi o leiaf un o’n pedwar nod cymunedol, sef galluogi cymunedau i: ddod ynghyd; bod yn amgylcheddol gynaliadwy; byw bywydau iachach a chefnogi plant a phobl ifanc i ffynnu.

Mae chwaraewyr y Loteri Genedlaethol yn codi dros £30 miliwn yr wythnos at achosion da ledled y DU. Diolch iddyn nhw, y llynedd roedd Cronfa Gymunedol y Loteri Genedlaethol yn gallu dosbarthu dros hanner biliwn o bunnoedd (£686.3 miliwn) o grantiau trawsnewidiol i gymunedau.

I ddysgu rhagor, ewch i www.TNLCommunityFund.org.uk

Dyddiad cyhoeddi: 17 Gorffennaf, 2024
Rhanbarth: Deyrnas Unedig

Nodiadau i Olygyddion

Ynglŷn â Chronfa Gymunedol y Loteri Genedlaethol

Ni yw’r cyllidwr cymunedol anstatudol mwyaf yn y DU – cymuned sydd wrth wraidd ein pwrpas, ein gweledigaeth a’n henw.

Rydym ni’n cefnogi gweithgareddau sy’n creu cymunedau gwydn sy’n fwy cynhwysol ac amgylcheddol gynaliadwy ac a fydd yn cryfhau cymdeithas ac yn gwella bywydau ledled y DU.

Rydym yn falch o ddyfarnu arian a godwyd gan chwaraewyr y Loteri Genedlaethol i gymunedau ledled Cymru, Lloegr, yr Alban a Gogledd Iwerddon, ac i weithio'n agos gyda'r Llywodraeth i ddosbarthu grantiau a chyllid hanfodol o raglenni a mentrau allweddol y Llywodraeth.

Yn ogystal ag ymateb i’r hyn y mae cymunedau yn ei ddweud wrthym sy’n bwysig iddynt, mae ein cyllid yn canolbwyntio ar bedwar nod allweddol, gan gefnogi cymunedau i:

1. Ddod ynghyd
2. Bod yn amgylcheddol gynaliadwy
3. Helpu plant a phobl ifanc i ffynnu
4. Galluogi pobl i fyw bywydau iachach.

Diolch i gefnogaeth chwaraewyr y Loteri Genedlaethol, rydym yn dosbarthu tua £500 miliwn y flwyddyn trwy 10,000+ o grantiau ac yn bwriadu buddsoddi dros £4 biliwn o gyllid mewn cymunedau erbyn 2030. Mae'n fraint i ni allu gweithio gyda'r grwpiau lleol lleiaf hyd at elusennau DU-gyfan, gan alluogi pobl a chymunedau i ddod â'u huchelgeisiau’n fyw.

Mae chwaraewyr y Loteri Genedlaethol yn codi dros £30 miliwn bob wythnos at achosion da ledled y DU. Ers i'r Loteri Genedlaethol ddechrau yn 1994, mae £47 biliwn wedi cael ei godi ac mae mwy na 670,000 o grantiau unigol wedi cael eu rhoi ledled y DU – sy’n gyfwerth â thua 240 o grantiau Loteri Genedlaethol ym mhob ardal cod post yn y DU.

Gwefan │ Twitter │ Facebook │ Instagram