Y Bwrdd

Cadeirydd

Mae’r Fonesig Julia yn ymgyrchydd brwd ac ymarferol sydd wedi ennill enw da yn rhyngwladol am “gysylltu’r rhai sy’n ddigyswllt”, gan ysbrydoli unigolion a sefydliadau i weithio gyda’i gilydd er budd pawb. Yn ystod ei gyrfa helaeth, mae hi’n gyson wedi hyrwyddo cydweithio tymor hir ar draws sectorau yn y cymunedau tlotaf, gan gefnogi arweinwyr cymunedol, ac annog ymgysylltiad pobl ifanc, i helpu i feithrin capasiti lleol a chreu cymdeithas sifil sy’n fwy gwydn ac sy’n gwerthfawrogi amrywiaeth, cynaliadwyedd ac atebion lleol cyd-destunol.

Mae’r Fonesig Julia wedi cadeirio Teach First, y National Literacy Trust a Place Matters – oll yn elusennau sy’n gweithio i ddeall a thaclo anghydraddoldeb yn y cymunedau hynny sy’n profi’r tlodi, anfantais a’r gwahaniaethu mwyaf. Mae hi’n cadeirio Pwyllgor yr Ystadegydd Gwladol ar Ddata Cynhwysol ac ar Gomisiwn Twf Cynhwysol yr EMCCA. Mae hi’n gyd-sylfaenydd ymgyrch #iwill sy’n cefnogi pobl ifanc i weithredu’n gymdeithasol trwy wirfoddoli, ymgyrchu ac eirioli. Mae’r Fonesig Julia wedi gwasanaethu fel Ymddiriedolwr ar Fwrdd y Fair Education Alliance, y Careers and Enterprise Company, yr Youth Futures Foundation, Teach for All ac fel Noddwr Right to Succeed. Dechreuodd ei gyrfa gyda’r Industrial Society gan wasanaethu fel Prif Weithredwr Busnes yn y Gymuned am ddwy flynedd ar bymtheng cyn gweithio i Dywysog Cymru ar y pryd fel Cynghorydd Arbennig i Elusennau’r Tywysog.

Mae Emma Boggis wedi treulio dros ugain mlynedd yn gweithio yn y sectorau cyhoeddus ac nid er elw.

Dechreuodd ei gyrfa gynnar yn y Fyddin Brydeinig lle'r oedd ganddi deithiau gweithredol yng Ngogledd Iwerddon a Kosovo. Ar ôl cyfnod byr yn Yr Ymgynghoriaeth Reoli, ymunodd â'r Gwasanaeth Sifil a gweithiodd yn y Swyddfa Safonau mewn Addysg a chael dau gyfnod yn Swyddfa'r Cabinet, gan gynnwys fel pennaeth yr Uned Etifeddiaeth Olympaidd a Pharalympaidd, a sefydlwyd ar ôl Llundain 2012 i gefnogi'r Arglwydd Coe fel Llysgennad Etifeddiaeth y Prif Weinidog. Cyn hynny, cafodd ei secondio hefyd i'r Swyddfa Dramor fel Dirprwy Bennaeth Cenhadaeth yn Llysgenhadaeth Prydain ym Madrid a bu'n gwasanaethu fel Ysgrifennydd Preifat i'r Prif Weinidog.

Yn fwyaf diweddar, mae Emma wedi symud i weinyddu chwaraeon ac ar hyn o bryd mae'n Brif Weithredwr y Gynghrair Chwaraeon a Hamdden, sef y sefydliad ymbarél ar gyfer cyrff llywodraethu a chynrychioliadol chwaraeon a hamdden, ac mae'n cynrychioli 320 o aelodau. Emma hefyd yw Uwch Gyfarwyddwr Annibynnol Bwrdd Cymdeithas Baralympaidd Prydain ac mae'n Ymddiriedolwr yr Ymddiriedolaeth Treftadaeth Baralympaidd Genedlaethol, yn ogystal ag yn aelod o Gyngor Ymgynghorol yr NCVO.

Mae Emma yn hoff iawn o’i chwaraeon – wedi gwneud sawl marathon a triathlon, ac mae hi hefyd yn mwynhau coginio, darllen a theithio yn aml dan pedal power.

Richard Collier-Keywood yw Cadeirydd Undeb Rygbi Cymru, Cadeirydd y School for Social Entrepreneurs, Cadeirydd Fair4All Finance (sefydliad cynhwysiad ariannol y Deyrnas Unedig a ariennir gan asedau segur), Cadeirydd New Forest Care (cwmni sy’n darparu gofal ac addysg wedi’i deilwra i blant sydd ag anghenion cymhleth). Mae Richard ar Fwrdd ac yn cadeirio pwyllgor cyllid Women of the World Foundation, mae ar Fwrdd ac yn cadeirio Pwyllgor Archwilio a Risg Cronfa Gymunedol y Loteri Genedlaethol, mae ar Fwrdd ac yn cadeirio pwyllgor cyllid St George’s House yng Nghastell Windsor, mae ar Fwrdd CoGo, menter gymdeithasol yn ymwneud â thechnoleg newydd yn Seland Newydd, Awstralia a’r Deyrnas Unedig, sy’n canolbwyntio ar rymuso defnyddwyr o ran eu dewisiadau hinsawdd, ac yn olaf, mae’n gyfarwyddwr anweithredol ar Fwrdd rhyngwladol Eversheds Sutherland.

Yn flaenorol, roedd Richard yn uwch gynghorydd i’r DCMS (2017 to 2021) ac yn Is-gadeirydd Byd-eang PwC o Dachwedd 2011 hyd Chwefror 2017 a gwasanaethodd fel Partner Rheoli PwC UK o 2008 hyd 2011. Mae Richard yn fargyfreithiwr ac yn gymrawd Sefydliad y Cyfrifwyr Siartredig yng Nghymru a Lloegr.

Mae Stuart Hobley wedi treulio bron i ugain mlynedd yn gweithio yn y sector grantiau ac nid-er-elw, gan gynnwys rhoi dyngarol ac elusennol, cyllid cymdeithasol, ariannu awdurdodau lleol i gymunedau, a grantiau loteri. Mae’n Gyfarwyddwr y Linbury Trust ac yn flaenorol roedd yn aelod o Fwrdd Arweinyddiaeth Ddiwylliannol Maer Llundain, a oedd yn cynnwys cynghori ar ddatblygu a chyflawni rhaglen fawr ei bri Bwrdeistref Diwylliant Llundain. Cyn hyn, gweithiodd Stuart i Gronfa Treftadaeth y Loteri Genedlaethol mewn nifer o rolau, yn fwyaf diweddar fel Cyfarwyddwr Ardal i Lundain a De Lloegr. Mae wedi bod ar Gyngor y Gwylwyr i Ymddiriedolaeth y BBC, ac wedi beirniadu ar baneli gan gynnwys BAFTA, a Kids in Museums.

Dr Lowthe-Thomas yw Prif Swyddog Gweithredol Asiantaeth Ynni Hafren-Gwy – elusen ynni gynaliadwy sy'n gweithio yng Nghymru a siroedd y gororau. Cyn dod yn Brif Swyddog Gweithredol, roedd ganddi rolau lluosog yn y sefydliad, gan gynnwys Cyfarwyddwr Cymru a Phennaeth Ynni Cymunedol. Mae hefyd yn Is-lywydd Effeithlonrwydd Ynni a Thlodi Tanwydd yn Federene (Ffederasiwn Asiantaethau Ynni Ewrop). Enillodd ei PhD ym Mhrifysgol Caerdydd, gan astudio Cnydau Ynni a Biomas.

Roedd Dr Lowthe-Thomas yn un o sylfaenwyr Ynni Cymunedol Cymru a threuliodd ddeng mlynedd ym Mhrifysgol Caerdydd fel cydymaith Ymchwil.

Mae John Mothersole wedi dal swyddi llywodraeth leol uwch yn ninasoedd y DU gan gynnwys Llundain, yn fwyaf diweddar fel Prif Weithredwr Cyngor Dinas Sheffield. Ers sefyll i lawr o'r swydd honno ym mis Rhagfyr 2019 ar ôl 11 mlynedd, mae John wedi ymgymryd â chyfres o rolau anweithredol sydd bellach yn cynnwys Cadeirydd-Dynodwr Coleg Sheffield, ymddiriedolwr elusen gofal cymunedol, aelodaeth o Fwrdd Cynghori Ysgol Reoli Prifysgol Sheffield a Chadeirydd Canolfan Addysg Meadowhall. Cyn cael ei ddewis yn Gadeirydd Pwyllgor Lloegr Cronfa Gymunedol y Loteri Genedlaethol, roedd John yn aelod o'r pwyllgor hwnnw.

Mae John wedi bod yn ymwneud yn helaeth â'r agenda bolisi ar gyfer dinasoedd y DU drwy'r rhwydwaith Dinasoedd Craidd, menter Pwerdy'r Gogledd a chyda'r Llywodraeth i sicrhau cytundebau datganoli rhwng dinasoedd a dinas-ranbarthau a chymryd rhan mewn teithiau masnach.

Roedd ei yrfa gynnar yn y celfyddydau, yn Llundain a'r Gogledd-ddwyrain yn bennaf, ac mae'n gweld uchafbwynt o'r rhan honno o'i yrfa fel ailagor y Tŷ Crwn yn Llundain a alluogodd ei ailddatblygu wedyn.

Mae John yn byw yn Sheffield er bod ei wreiddiau yn y Gogledd-orllewin. Gan mai dim ond yn ddiweddar y mae wedi sefyll i lawr o fod yn Brif Weithredwr, mae'n dal i geisio gweithio allan beth yw ei hobïau!

Mae’r Fonesig Helen Stephenson yn Gyfarwyddwr Anweithredol a chyn Brif Weithredwr Comisiwn Elusennau Cymru a Lloegr. Mae’r Comisiwn yn adran lywodraeth anweinidogol sy’n cyflogi tua 400 o staff ac yn gyfrifol am reoleiddio dros 169,000 elusen. Ymunodd â’r Comisiwn o’r Adran Addysg lle'r oedd yn Gyfarwyddwr Blynyddoedd Cynnar a Gofal Plant. Yn flaenorol, gweithiodd Helen yn Swyddfa’r Cabinet lle'r oedd yn Gyfarwyddwr y Swyddfa dros Gymdeithas Sifil a Grŵp Arloesi’r Llywodraeth.

Ymunodd Helen â’r Gwasanaeth Sifil o Gronfa’r Loteri Fawr lle'r oedd yn Bennaeth Polisi a Phartneriaethau Strategol. Mae hi wedi gweithio i elusennau cenedlaethol mawr fel rheolwr datblygu ac fel ymchwilydd ac ymgynghorydd yn y sector statudol a’r sector wirfoddol. Mae gan Helen ddoethuriaeth o Brifysgol Bryste.

Mae Helen yn aelod Anweithredol o Fwrdd Cronfa Gymunedol y Loteri Genedlaethol ac yn Cadeirio’r Pwyllgor Pobl. Mae hi’n aelod o Fwrdd Rheolaethol yr ECB ac ar Bwyllgor Pobl a Llywodraethu'r Academi Ddawns Frenhinol. Yn flaenorol, roedd Helen ar Fwrdd y Big Society Trust ac yn Cadeirio’r NCT hyd nes ei hapwyntiad i’r Comisiwn Elusennau.

Dyfarnwyd CBE i Helen yn 2014 a dyfarnwyd DBE iddi yn rhestr yr Anrhydeddau Pen-blwydd yn 2024 am ei gwasanaethau i elusennau a rheoleiddio.

Mae Peter Stewart LVO yn Gyfarwyddwr Gweithredol yr Eden Project, gyda chyfrifoldeb am nodau elusennol Eden. Dechreuodd gyrfa Peter mewn asiantaethau marchnata yn Llundain yn gweithio ar ymgyrchoedd ymddygiad mawr gan gynnwys i’r Guardian, Knorr, National Dairy Council, Courage (Fosters, Courage Best and John Smiths), Proctor and Gamble, Philip Morris a Nestle. Roedd asiantaethau’n cynnwys JWT, Leo Burnett a BMP DDB. Yn y 1990au, dechreuodd Peter ar fenter newydd i redeg tafarndai cymunedol yng Nghernyw. Fel gŵr o Gernyw, wedi’i drwytho mewn materion cymunedol lleol, dyma le dechreuodd ei deulu gyda’i wraig Jane a magu dau o blant. Yn gweithio gyda busnesau lleol, ymunodd Peter â’r Eden Project yn 2003, ar ôl cyflenwi cynhyrchion i’r Prosiect ers iddo agor.

Ers ymuno, bu mewn nifer o rolau gan gynnwys Cyd-Brif Weithredwr o 2013-2014. Mae’n arwain y rhaglen allgymorth fwyaf, The Big Lunch, sy’n cael ei chydnabod am feithrin cyfalaf cymdeithasol ar raddfa enfawr. Apwyntiwyd Peter i brif Fwrdd Eden ym mis Mawrth 2012. Yn yr un flwyddyn, cafod ei benodi’n Aelod o’r Urdd Fictoraidd Frenhinol (MVO) gan ei Mawrhydi’r Frenhines ac yna ei ddyrchafu’n Lefftenant yr Urdd Fictoraidd Frenhinol (LVO) yn 2022 am ei waith cymunedol yn ystod dathliadau’r Jiwbilî.

Kate yw Cyfarwyddwr yr Alban ar gyfer Ymddiriedolaeth y Tywysog, elusen ieuenctid flaenllaw sy'n cefnogi pobl ifanc i fyw, dysgu ac ennill. Bu'n aelod o Fwrdd ERSA am flynyddoedd lawer, yn Gadeirydd Cymorth Cyflogaeth yr Alban ac yn Gymrawd y Sefydliad Cyflogadwyedd. Dechreuodd Kate ei gyrfa fel athro ar ôl cwblhau MA (Anrh) mewn Gwleidyddiaeth ym Mhrifysgol Glasgow.

Mae ganddi dros 25 mlynedd o brofiad perthnasol o ddarparu rhaglenni addysg, prentisiaethau, sgiliau, cyflogadwyedd a menter gymunedol ac adfywio ar draws sawl sector, gan gynnwys 15 mlynedd yn y sector Elusennau. Mae gan Kate awydd angerddol i wneud gwahaniaeth ynghyd â'r ymgyrch i gael effaith ar faterion tlodi, cydraddoldeb ac amrywiaeth a chyfiawnder cymdeithasol. Mae Kate wedi dal rolau arwain strategol ar lefel yr UE a'r DU gan gynnwys Rheoli rhaglenni cymorth yr UE i Ganol a Dwyrain Ewrop. Yn gyn-Aelod o Fwrdd Partneriaeth Ewropeaidd Strathclyde, cwblhaodd ei hymchwil MPhil mewn Polisi Ewropeaidd ym Mhrifysgol Strathclyde yn 2011.

Mae hi wedi dal rolau Cyfarwyddwr o'r blaen gyda Rathbone a Wise Group. Mae Kate wedi treulio dros bedair blynedd yn gwirfoddoli gyda'i chyngor cymuned lleol.

Mae gan Paul brofiad helaeth o weithio yn y sectorau gwirfoddol, cymunedol a chyhoeddus yng Ngogledd Iwerddon.

Rhwng 1987 a 1994 ef oedd Cyfarwyddwr Ymddiriedolaeth Wirfoddol Gogledd Iwerddon, a oedd yn cefnogi mentrau hunangymorth yn y gymuned.

Ymunodd â Gwasanaeth Sifil Gogledd Iwerddon (NICS) ym 1994, ar secondiad i ddechrau, fel cynghorydd ar ddatblygu cymunedol a chymodi. Trwy gydol ei yrfa ddilynol yn y NICS roedd ganddo nifer o swyddi uwch gan gynnwys Dirprwy Ysgrifennydd yn Swyddfa’r Prif Weinidog a’r Dirprwy Brif Weinidog, Ysgrifennydd Parhaol yr Adran dros Ddiwylliant, y Celfyddydau a Hamdden ac Ysgrifennydd Parhaol yr Adran Addysg.

Ers ymddeol o’r NICS yn 2017 mae Paul wedi ymgymryd â rôl ymddiriedolwr mewn nifer o sefydliadau ni-er-elw sy’n ymwneud ag adfywio, diwylliant a phobl ifanc.

Ar 1 Mehefin 2021, penodwyd Paul yn Gadeirydd Pwyllgor Ariannu Gogledd Iwerddon, Cronfa Gymunedol y Loteri Genedlaethol.

Mae Danielle Walker Palmour yn gyfarwyddwr y Friends Provident Foundation, sy’n elusen fuddsoddi a rhoi grantiau annibynnol a sefydlwyd o gyfranddaliadau heb eu hawlio yn dilyn datgydfuddiannu Swyddfa Friends Provident Life yn 2001. Yn 2013 ymunodd â phanel beirniadu’r Charity Awards.

Mae hi hefyd yn gyfarwyddwr anweithredol Big Society Capital a Civil Society Media, ac yn ymddiriedolwr nifer o elusennau lleol a chenedlaethol, ac yn aelod o Gyngres Prifysgol Caerefrog. Yn flaenorol, roedd mewn swyddi uwch ym maes polisi ac ymchwil ar draws y sector gan gynnwys cyfarwyddwr datblygu polisi ac ymarfer yn y Joseph Rowntree Foundation, pennaeth polisi i Gronfa’r Loteri Fawr (Cronfa Gymunedol y Loteri Genedlaethol bellach) a’r Comisiwn Cydraddoldeb Hiliol, a Chymdeithas y Gyfraith yng Nghymru a Lloegr.