Pwyllgor Ariannu Deyrnas Unedig

Mae’r Fonesig Julia yn ymgyrchydd brwd ac ymarferol sydd wedi ennill enw da yn rhyngwladol am “gysylltu’r rhai sy’n ddigyswllt”, gan ysbrydoli unigolion a sefydliadau i weithio gyda’i gilydd er budd pawb.

Yn ystod ei gyrfa helaeth, mae hi’n gyson wedi hyrwyddo cydweithio tymor hir ar draws sectorau yn y cymunedau tlotaf, gan gefnogi arweinwyr cymunedol ac annog ymgysylltiad pobl ifanc i helpu i feithrin capasiti lleol a chymdeithas sifil fwy gwydn sy’n gwerthfawrogi amrywiaeth, cynaliadwyedd ac atebion lleol cyd-destunol.

Mae’r Fonesig Julia wedi cadeirio Teach First, y National Literacy Trust a Place Matters – oll yn elusennau sy’n gweithio i ddeall a thaclo anghydraddoldeb yn y cymunedau hynny sy’n profi’r tlodi, anfantais a’r gwahaniaethu mwyaf.

Wedi iddi arwain adolygiadau Llywodraethol i lywodraethau Llafur a Cheidwadol dros yr ugain mlynedd diwethaf, mae hi bellach yn cadeirio Pwyllgor yr Ystadegydd Gwladol ar Ddata Cynhwysol. Mae hi’n gyd-sylfaenydd ymgyrch #iwill sy’n helpu pobl ifanc i weithredu’n gymdeithasol trwy wirfoddoli, ymgyrchu ac eirioli. Mae hi wedi gwasanaethu fel Ymddiriedolwr ar Fwrdd y Fair Education Alliance, y Careers and Enterprise Company, yr Youth Futures Foundation, Teach for All ac fel Noddwr i Right to Succeed. Dechreuodd ei gyrfa gyda’r Dechreuodd ei gyrfa gyda’r Industrial Society gan wasanaethu fel Prif Weithredwr Busnes yn y Gymuned am ddwy flynedd ar bymtheng cyn gweithio i Dywysog Cymru ar y pryd fel Cynghorydd Arbennig i Elusennau’r Tywysog.

Mae Dr Lowthe-Thomas yn Brif Swyddog Gweithredol Asiantaeth Ynni Hafren-Gwy - elusen ynni cynaliadwy sy'n gweithio yng Nghymru a siroedd y gororau. Cyn iddi ddod yn Brif Swyddog, roedd ganddi rolau niferus yn y sefydliad hwnnw, gan gynnwys Cyfarwyddwr Cymru a Phennaeth Ynni Cymunedol. Mae hi hefyd yn Is-lywydd Effeithlonrwydd Ynni a Thlodi Tanwydd yn Federene (Ffederasiwn Asiantaethau Ynni Ewrop). Enillodd ei PhD ym Mhrifysgol Caerdydd, gan astudio Cnydau Ynni a Biomas.

Roedd Dr Lowthe-Thomas yn aelod o fwrdd sefydlu Ynni Cymunedol Cymru a threuliodd ddeng mlynedd ym Mhrifysgol Caerdydd fel Cydymaith Ymchwil.

Mae John Mothersole wedi dal swyddi uwch mewn llywodraeth leol yn ninasoedd y DU gan gynnwys Llundain, yn fwyaf diweddar fel Prif Weithredwr Cyngor Dinas Sheffield. Ers sefyll i lawr o'r swydd honno ym mis Rhagfyr 2019 ar ôl 11 mlynedd, mae John wedi ymgymryd â chyfres o rolau anweithredol sydd bellach yn cynnwys Cadeirydd-Dynodwr Coleg Sheffield, ymddiriedolwr elusen gofal cymunedol, aelodaeth o Fwrdd Cynghori Ysgol Reoli Prifysgol Sheffield a Chadeirydd Canolfan Addysg Meadowhall. Cyn cael ei ddewis yn Gadeirydd Pwyllgor Lloegr Cronfa Gymunedol y Loteri Genedlaethol, roedd John yn aelod o'r pwyllgor hwnnw.

Mae John wedi bod yn ymwneud yn helaeth â'r agenda bolisi ar gyfer dinasoedd y DU drwy'r rhwydwaith Dinasoedd Craidd, menter Pwerdy'r Gogledd a chyda'r Llywodraeth i sicrhau cytundebau datganoli i ddinasoedd a dinas-ranbarthau a chymryd rhan mewn teithiau masnach.

Roedd ei yrfa gynnar yn y celfyddydau, yn Llundain a'r Gogledd-ddwyrain yn bennaf, ac mae'n gweld ailagor y Roundhouse yn Llundain a’r ailddatblygu a ganlyn, fel uchafbwynt y rhan honno o'i yrfa.

Mae John yn byw yn Sheffield er bod ei wreiddiau yn y Gogledd-orllewin. Gan mai dim ond yn ddiweddar y mae wedi sefyll i lawr o fod yn Brif Weithredwr, mae'n dal i geisio gweithio allan beth yw ei hobïau!

Kate yw Cyfarwyddwr yr Alban ar gyfer Ymddiriedolaeth y Tywysog, elusen ieuenctid flaenllaw sy'n cefnogi pobl ifanc i fyw, dysgu ac ennill. Bu'n aelod o Fwrdd ERSA am flynyddoedd lawer, yn Gadeirydd Cymorth Cyflogaeth yr Alban ac yn Gymrawd y Sefydliad Cyflogadwyedd. Dechreuodd Kate ei gyrfa fel athro ar ôl cwblhau MA (Anrh) mewn Gwleidyddiaeth ym Mhrifysgol Glasgow.

Mae ganddi dros 25 mlynedd o brofiad perthnasol o ddarparu rhaglenni addysg, prentisiaethau, sgiliau, cyflogadwyedd a menter gymunedol ac adfywio ar draws sawl sector, gan gynnwys 15 mlynedd yn y sector Elusennau. Mae gan Kate awydd angerddol i wneud gwahaniaeth ynghyd â'r awch i gael effaith ar faterion tlodi, cydraddoldeb ac amrywiaeth a chyfiawnder cymdeithasol. Mae Kate wedi dal rolau arwain strategol ar lefel yr UE a'r DU gan gynnwys rheoli rhaglenni cymorth yr UE i Ganol a Dwyrain Ewrop. Yn gyn-aelod o Fwrdd Partneriaeth Ewropeaidd Strathclyde, cwblhaodd ei hymchwil MPhil mewn Polisi Ewropeaidd ym Mhrifysgol Strathclyde yn 2011.

Mae hi wedi dal rolau Cyfarwyddwr o'r blaen gyda Rathbone a Wise Group. Mae Kate wedi treulio dros bedair blynedd yn gwirfoddoli gyda'i chyngor cymuned lleol.

Mae gan Paul brofiad helaeth o weithio yn y sectorau gwirfoddol, cymunedol a chyhoeddus yng Ngogledd Iwerddon.

Rhwng 1987 a 1994 ef oedd Cyfarwyddwr Ymddiriedolaeth Wirfoddol Gogledd Iwerddon, a oedd yn cefnogi mentrau hunangymorth yn y gymuned.

Ymunodd â Gwasanaeth Sifil Gogledd Iwerddon (NICS) ym 1994, ar secondiad i ddechrau, fel cynghorydd ar ddatblygu cymunedol a chymodi. Trwy gydol ei yrfa ddilynol yn y NICS roedd ganddo nifer o swyddi uwch gan gynnwys Dirprwy Ysgrifennydd yn Swyddfa’r Prif Weinidog a’r Dirprwy Brif Weinidog, Ysgrifennydd Parhaol yr Adran dros Ddiwylliant, y Celfyddydau a Hamdden ac Ysgrifennydd Parhaol yr Adran Addysg.

Ers ymddeol o’r NICS yn 2017 mae Paul wedi ymgymryd â rôl ymddiriedolwr mewn nifer o sefydliadau ni-er-elw sy’n ymwneud ag adfywio, diwylliant a phobl ifanc.

Meddai: “Rwy’n ei hystyried yn fraint cael fy mhenodi i’r rôl hon ac i gael y cyfle i adeiladu ar lwyddiant grantiau’r Gronfa dros y blynyddoedd sydd i ddod.

“Mae’r sector Wirfoddol, Gymunedol a Mentrau Cymdeithasol ledled Gogledd Iwerddon wedi ymateb i heriau COVID-19 gydag arweinyddiaeth, gwytnwch a thosturi. Credaf fod Cronfa Gymunedol y Loteri Genedlaethol mewn lle da i barhau i gefnogi pobl leol wrth i ni ail-adeiladu yn dilyn pwysau mawr y pandemig.”